Browsing Category

Logement

Articles Logement

D’Spekulatioun mat eisem Wunnraum stoppen !

Wunnen ass en Grondrecht an mat Grondrechter spekuléiert een net.

An der Stad hunn sech d’Immobiliëpräisser an 10 Joer bal verduebelt. Huet eng bestoend Wunneng 2008 nach 4.258 Euro/m2 kascht, sinn et 2018 schonn 8.099 Euro/m2. Landeswäit ass d’Hausse net grad esou extrem, mee mat +58% och immens alarmant. Dësen Trend aggravéiert sech 2019 nach emol, mat enger Präissteigerung vun 11,4% op den Immobiliëpräisser par Rapport zum selwechten Trimester vum leschten Joer[1].

Dëst sinn alles plakeg Zuelen, mee si bezifferen eng Realitéit, een sozialen Mëssstand hei ze Lëtzebuerg, deen ëmmer méi zu engem gëftegem Sozialcocktail mutéiert : d’Wunnengspräisser explodéieren an d’Wunnen gëtt domat fir ëmmer méi Léit, op al oder jonk, een onerschwénglechen Luxus.

Oft héiert een Politiker behaapten « d’Demande ass ze grouss, mir mussen d’Offer an d’Luucht setzen ». Mee bei där Mëllechrechnung gëtt een Faktor gären bewosst vergiess : déi massiv Spekulatioun déi mat eisen Wunnengen an den Bauterrainen hei zu Lëtzebuerg bedriwwen gëtt, an d’Steigerung vun den Immobiliëpräisser zousätzlech unfeiert.

Continue Reading

Articles Logement

Yes we Can(nes)

Vum 12. bis de 15. Mäerz war zu Cannes de „Marché international des professionnels de l’immobilier“, kuerz Mipim genannt. Och Lëtzebuerg war mat enger Delegatioun vu 400 Leit op dëser Ausstellung vertrueden. Vun Affekoten, iwwer Promoteuren, bis hin zu Politiker waren all déi wichteg Acteuren, oder déi di mengen, et ze sinn, bis op Cannes gepilgert.

Am „Luxemburger Wort“ vum 14. Mäerz hält de Carlo Thelen, President vun der Lëtzebuerger Chambre de commerce, sech nach bedeckt, wat de Sënn an Zweck vun dëser Rees ugeet. „L’important est de montrer aux investisseurs étrangers l’éventail des différents corps de métier qui représentent le secteur immobilier luxembourgeois“. 

Am Héichglanz-„Paperjam Plus spécial Mipim“ sinn d’Journalisten da scho méi kloer a schreiwen: „Pour les opérateurs, le Mipim doit aussi servir de caisse de résonance pour faire entendre l’intérêt d’investir au Luxembourg.“ 

D’Rees op Cannes war also virun allem eng Promotiounsrees, fir weider nei Investisseuren ze begeeschteren an an deen souwisou schonn iwwerhëtzte Lëtzebuerger Immobiliemarché ze investéieren. 

Continue Reading